Europa Creativa é o programa da Unión Europea deseñado para impulsar e fortalecer os sectores culturais e creativos en Europa. O programa apoia a cooperación transnacional, a innovación e a mobilidade de artistas e profesionais da cultura a través de diversas liñas de financiamento e convocatorias de propostas dirixidas a organizacións, entidades e profesionais do sector. Tamén promove a diversidade cultural e lingüística e fomenta a innovación, a dixitalización, a inclusión social e a sustentabilidade dentro do sector cultural.
Cun orzamento aproximado de 2.440 millóns de euros para o período 2021-2027, Europa Creativa ten como obxectivo responder aos retos actuais do sector cultural e creativo, promovendo o seu desenvolvemento, a súa proxección internacional e a súa capacidade de adaptación aos cambios sociais, económicos e tecnolóxicos.
Europa Creativa forma parte da Nova Axenda Europea para a Cultura (Comunicación da Comisión Europea do 22 de maio de 2018) e utiliza o potencial da cultura e a diversidade cultural para facilitar o diálogo entre países e rexións, a cohesión social e o benestar. Tamén reforza a dimensión transfronteiriza, contribuíndo así aos obxectivos europeos de emprego, crecemento económico e relacións culturais internacionais.
